Hyfforddiant Sgiliau Ymyriadau Hunanladdiad Cymwysedig (ASIST)

Beth yw ASIST?

Gweithdy hyfforddiant rhyngweithiol, deuddydd o hyd yw ASIST sy'n paratoi cyfranogwyr i ddarparu ymyriadau cymorth cyntaf hunanladdiad.

Mae nifer o bobl sy'n ystyried hunanladdiad yn nodi eu gofid a'u bwriad, weithiau mewn modd cynnil iawn. Bydd hyfforddiant ASIST yn eich helpu i adnabod ac ymateb i'r gwahoddiadau hyn am gymorth, yn rhoi'r hyder i chi siarad am hunanladdiad os ydych yn poeni am ddiogelwch unigolyn ac yn eich darparu â'r sgiliau i helpu atal y risg ddybryd.

"Mae'r hyfforddiant hwn yn newid ac yn achub bywydau. Mae'r gweithdy wedi achosi i mi adlewyrchu ar fy ymagwedd yn fy mywyd proffesiynol a phersonol. Diolch."

Pwy all fynychu ASIST?

Mae nifer o weithwyr proffesiynol yn mynychu ASIST oherwydd bod meddu ar sgiliau i ymyrryd mewn hunanladdiad yn hanfodol ar gyfer eu gwaith. Nyrsys, athrawon, cynghorwyr, yr heddlu, ymatebwyr cyntaf - mae pawb 16 oed neu'n hŷn yn gallu dysgu sut i ddefnyddio model ASIST. Nid oes angen profiad blaenorol o iechyd meddwl neu atal hunanladdiad. Daw ein hyfforddwyr profiadol o amrywiaeth o wahanol gefndiroedd.

Ar ôl mynychu cwrs llawn ASIST, byddwch yn meddu ar y sgiliau i allu gwneud y canlynol:

• Bod yn wyliadwrus i hunanladdiad a gallu adnabod pobl sy'n meddwl am hunanladdiad
• Deall y rhesymau y tu ôl i feddyliau am hunanladdiad a'r rhesymau dros fyw
• Asesu risg a diogelwch - datblygu cynllun i gynyddu diogelwch y person mewn perygl o hunanladdiad
• Adnabod gwahoddiadau am gymorth a gallu gweithredu arnynt 
• Adnabod rhwystrau posib at gael cymorth
• Cynnig cefnogaeth - adnabod agweddau pwysig eraill o atal hunanladdiad gan gynnwys hyrwyddo bywyd a hunanofal
• Rhoi model ymyriadau hunanladdiad a ddysgir trwy ASIST ar waith yn effeithiol
• Cysylltu pobl ag adnoddau cymunedol a fydd yn gallu darparu cymorth pellach

 

"Hyfforddiant llawn gwybodaeth ddefnyddiol. Wedi'i gyflwyno'n dda mewn modd proffesiynol. Yn bendant yn rhywbeth a fydd yn ddefnyddiol yn fy ngwaith ac yn fy mywyd o ddydd i ddydd."

Beth yw nodweddion y gweithdy?

• Cyflwyniadau a chyfarwyddyd gan ddau o hyfforddwyr cofrestredig LivingWorks
• Cynhelir ASIST dros ddau ddiwrnod yn olynol am gyfnod o 15 awr gan greu profiad dysgu pwerus gyda ffocws ar y nodweddion pwysicaf
• Model ymyriadau sydd wedi'i brofi'n wyddonol
• Cymhorthion dysgu clyweledol pwerus
• Trafodaethau grŵp i gefnogi ac atgyfnerthu'r dysgu. Penderfyniad y cyfranogwyr yw beth maen nhw eisiau ei rannu gyda'r cyfranogwyr eraill yn y sesiynau grŵp
• Ymarfer a datblygu sgiliau
• Cydbwysedd o heriau a diogelwch
• Deunyddiau cyfranogwyr gan gynnwys cwrs-lyfr 20 tudalen, cerdyn ar gyfer y waled a sticeri. Bydd y cyfranogwyr hefyd yn derbyn tystysgrif ar ôl cwblhau'r cwrs.

I ddarllen mwy am gwrs ASIST >> cliciwch yma

 

Lleoliad a Dyddiadau

Cynhelir y cyrsiau yn ein canolfannau hyfforddiant yn Llaneirwg, Caerdydd neu Llandarsi. Gyda'r holl gyfleusterau disgwyliedig, mae'r ddau leoliad yn cynnwys nifer o fannau parcio am ddim.

Dyddiadau nesaf y cwrs:

Dydd Mawrth 22 a dydd Mercher 23 Ionawr 2019

Dydd Mawrth 5 a dydd Mercher 6 Mawrth 2019

Lleoliad: Swyddfeydd ASC yng Nghaerdydd 

Pris: £140 y person (gan gynnwys cinio, lluniaeth a holl ddeunyddiau'r cwrs).

 

Am ragor o fanylion ar sut i fwcio lle neu am ragor o wybodaeth, e-bostiwch training@ascymru.org.uk neu ffoniwch ni ar 029 2054 0444.

Gallwn gyflwyno'r cwrs i gwmnïau unigol ar gais (mae angen o leiaf 8 cyfranogwr pendant ond gellir cadarnhau enwau'r cyfranogwyr hyn 24 awr cyn dechrau'r cwrs).

Os ydych eisiau bwcio mwy na dau le, anfonwch e-bost atom neu ffoniwch ni i drafod pa opsiynau sydd ar gael.

SYLWCH: Bydd y cwrs hwn yn cael ei gyflwyno yn Saesneg